«Չեն կարող ազատ չարձակել Լևոն Քոչարյանին, սակայն ապօրինի ձգձգում են գործընթացը». փաստաբան

Փաստաբան Էրիկ Ալեքսանյանը քիչ առաջ քրեակատարողական հիմնակրի բակում լրագրողների հետ զրույցում անդրադարձավ Լևոն Քոչարյանի ազատ արձակումը ձգձգելու հանգամանքին. «Ըստ էության, ՍԴ-ի որոշման ուժով պարոն Լևոն Քոչարյանը նույնիսկ մեկ րոպե չի կարող մնալ անազատության մեջ: Սակայն ներկա պահին դեռ լուծվում են, քննարկվում են տեխնիկական հարցերը: Ըստ էության, ՍԴ որոշման ուժով խափանման միջոցն այս պահին համարվում է վերացված: Այսինքն, պետք չէ դատախազի առանձին որոշումն այս կապակցությամբ: ՍԴ-ի որոշմամբ՝ անազատության մեջ մնալ չի կարող, ինչը ենթադրում է խափանման միջոցի ապրիօրի վերացում:
Անկեղծ, ես չեմ պատկերացնում, թե ինչպես կարելի է այսքան երկար որոշման թղթեր ձևակերպել: Ըստ էության, արդեն անցել է 2 ժամ: Այնուամենայնիվ, իրենք չեն կարող այդ որոշումը չկազմել, կան գծեր, որոնք չեն կարող անցնել»: