Ավինյանը ոսկե մեդալ է շնորհել հեռացող փոխքաղաքապետ Գևորգ Սիմոնյանին

Երևանի քաղաքապետ Տիգրան Ավինյանը ոսկե մեդալով է պարգևատրել պաշտոնից հեռացող փոխքաղաքապետ Գևորգ Սիմոնյանին։ Այդ մասին անձամբ Սիմոնյանն է տեղեկացրել՝ սոցցանցի իր էջում։

Հիշեցնենք՝ Գևորգ Սիմոնյանը նախկինում առողջապահության փոխնախարարն էր և կալանավորված էր «Կորոնավիրուսի գործով»։

Գևորգ Սիմոնյանը քիչ առաջ գրել է․ «Այսօր՝ իմ վերջին աշխատանքային օրը, Երևանի քաղաքապետ Տիգրան Ավինյանի կողմից արդյունավետ աշխատանքի և բարեխիղճ գործունեության համար պարգևատրվեցի Երևանի քաղաքապետի ոսկե մեդալով»։

Սիմոնյանը նաև շնորհակալություն է հայտնել քաղաքապետարանի իր գործընկերներին, ինչպես ինքն է նշել, «արդյունավետ աշխատանքի» և համագործակցության համար։