«Բոլորը մեկ հարցում միասնական են՝ կլանային մթնոլորտն ու համակարգը պետք է պահպանել». Նարինե Մկրտչյան

Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրել է. «Հայաստանում ամեն ինչ նեղ խմբակային, անգամ՝ կլանային բնույթ է կրում։ Ոչ միայն տնտեսությունը, այլև քաղաքականությունը, իշխանությունը, ընդդիմությունը, արևմտամետությունը, ռուսամետությունը, քաղաքացիական հաստատությունները։
Իշանությունը գործում է իր խմբակով, ընդդիմությունը՝ իր կլանով, արևմտամետները և ռուսամնետները՝ իրենց կլաններով։ Նման պայմաններում ոչ միայն համահայկական քաղաքական օրակարգի ձևավորման, այլև տարրական բազմակարծություն, քաղաքական բանավեճ ակնակալելն անիմաստ է։
Այս խմբակային, կլանային մթնոլորտը եղած «ավարը» սեփական կլանի շրջանակների համար պահպանելն է՝ անկախ նրանից՝ իշխանությո՞ւն են, ընդդիմությո՞ւն, արևմտամետնե՞ր, թե՞ ռուսամետներ, կամ քաղաքացիական հաստատություննե՞ր թե այլն։
Եվ բոլորը մեկ հարցում միասնական են՝ կլանային մթնոլորտն ու համակարգը պետք է պահպանել»։