«Ոչ մի բանակցություն՝ մինչև չվերադարձվեն մեր գերիներն ու պատանդները». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրում է. «Հայկական քաղաքական և դիվանագիտական օրակարգի առաջնային խնդիրը Ադրբեջանի կողմից ապօրինաբար գերեվարված և քաղաքական պատանդ դարձած մեր պետական գործիչների՝ ՀՀ քաղաքացիների ազատագրումը պետք է լինի։ Նրանք բոլորը խորհրդանիշեր են, մեր պատմության բարդագույն և վճռորոշ շրջանների նշանային դեմքերը, որոնց ադրբեջանն ուզում է ծնկի բերել՝ ապացուցելու, որ Արցախի Հանրապետությունը ուղեղային մորմոք է, առասպել, ուզում է, որ նրանք էլ միանան այն ազգակործան ու կեղծ հայտարարությանը, թե 86,6 հազար քառակուսի կմ ադրբեջան կա, Արցախն էլ հայկական չէ, ադրբեջան է, Նախիջևանն էլ, Հայաստանն էլ արևմտյան ադրբեջան է, ալիևը ճիշտ է, մենք՝ սխալ, ահաբեկիչ, խաղաղություն աղերսեն և բռնազավթում ստանան։ Բոլորս՝ Հայաստանից Սփյուռք, պիտի պահանջենք մեր պատանդների ազատ արձակումը և վերադարձը, ոչ մի բանակցություն՝ մինչև չվերադարձվեն մեր գերիներն ու պատանդները։ Նրանց հետ մեկտեղ 44-օրյա պատերազմի ռազմագերիներն ու առևանգվածները, բաքվի բանտերում ապօրինաբար խոշտանգվող մեր հայրենակիցները։ Հայաստանի Հանրապետությունը պարտավոր է պայքարել և հասնել իր բոլոր քաղաքացիների ազատ արձակմանը։ Դա յուրաքանչյուրիս սահմանադրական, քաղաքացիական պարտքն է ու պահանջը։ Լռել չի կարելի»: