Երկուշաբթի, 15 հուլիսի, 2024 թ.
|
Ստեփանակերտում`   +26 °C

«Դիմակները հանված են. Ադրբեջանում ԱՄՆ ՄԶԳ-ի գործունեության համար այլևս տեղ չկա». Հաջիևը զայրացել է

«Դիմակները հանված են. Ադրբեջանում ԱՄՆ ՄԶԳ-ի գործունեության համար այլևս տեղ չկա». Հաջիևը զայրացել է
230
Չորեքշաբթի, 22 նոյեմբերի, 2023 թ., 01:36

Ամերիկայի Միացյալ Նահանգները նոյեմբերի 21-ին ԱՄՆ Միջազգային զարգացման գործակալության (ԱՄՆ ՄԶԳ) միջոցով հայտարարել էր Լեռնային Ղարաբաղում տեղի ունեցած իրադարձություններից տուժած մարդկանց կարիքները հոգալու նպատակով ավելի քան 4,1 միլիոն դոլար գումարի չափով լրացուցիչ մարդասիրական օգնություն տրամադրելու մասին։

Հաղորդագրության մեջ շեշտվում է, որ սեպտեմբերի 19-20-ը Լեռնային Ղարաբաղում Ադրբեջանի ռազմական գործողության հետևանքով ավելի քան 100.000 մարդ տեղահանվել է Հայաստան, ինչի արդյունքում ի հայտ են եկել մարդասիրական անհետաձգելի կարիքներ։

Այս հանգամանքը զայրացրել է Ադրբեջանի նախագահի օգնական Հիքմեթ Հաջիևին: X սոցիալական ցանցում՝ արձագանքելով ԱՄՆ ՄԶԳ-ի ղեկավար Սամանտա Փաուերի հայտարարությանը, Հաջիևը գրել է, որ իր երկրում այլևս տեղ չկա ԱՄՆ Միջազգային զարգացման գործակալության (ԱՄՆ ՄԶԳ) գործունեության համար։
Հաջիևը Փաուերին մեղադրել է «ադրբեջանաֆոբիայի, թուրքաֆոբիայի, քաղաքական կոռուպցիայի» մեջ։

«Դիմակները հանված են։ Ադրբեջանում ԱՄՆ ՄԶԳ-ի գործունեության համար այլևս տեղ չկա»,- գրել է նա: