«Ինչո՞ւ է սիամական եռյակը սարսափում «Հայաքվեից» ու նմանատիպ ազգային նախաձեռնություններից»». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Նոյեմբերի 24-ին, ժամը 11։00-ին Հայաստանի ԱԺ-ում տեղի կունենան խորհրդարանական լսումներ՝ նվիրված «Հայաքվե» նախաձեռնության օրենսդրական փոփոխություններին, ամռանը տեղի ունեցած ստորագրահավաքին և Արցախի վերաբերյալ օրենքի ընդունման կարևորությանը՝ Հայաստանի ռազմավարական շահի տեսանկյունից։ Ըստ կանոնակարգի՝ ԱԺ լսումները հեռարձակվում են Հ1-ի ուղիղ եթերում։
Հայտարարության տարածումից ժամեր անց հանկարծ ՀՀ վարչապետը որոշել է նույն օրը՝ նոյեմբերի 24-ին, ժամը 12։00-ին ուղիղ եթերում պատասխանել քաղաքացիների ընտրովի հարցերին։ Այսինքն, Նիկոլն ինքն է որոշելու՝ որ հարցին պատասխանի, որին՝ ոչ։ Ավելին, այդ բեմադրությունը հեռարձակվելու է Հ1-ի ուղիղ եթերում։ Ստացվում է, Հ1-ը չի հեռարձակելու «Հայաքվե» նախաձեռնության խորհրդարանական լսումները։
Հիմա ինձ մոտ հարց է առաջացել՝ կարո՞ղ է Նիկոլին ուղղված հարցերի ընտրողն ու պատասխանների խմբագիրն էլ Ալիևն ու Էրդողանն են։
Արցախի ամբողջական հանձնումից հետո անգամ ինչո՞ւ է այս սիամական եռյակը սարսափում «Հայաքվեից» ու նմանատիպ ազգային նախաձեռնություններից»»: