«Ցավոք, մտավախությունս հաստատվեց». Գառնիկ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանը տեսանյութ է տարածել իր էջում՝ կից գրառմամբ․ «Օրերս ԱԺ-ում՝ հանձնաժողովի նիստի ժամանակ, երբ քննարկվում էր ձկնաբուծարարների՝ փակ ցիկլով աշխատանքին անցնելու հարցը, կարծիք հայտնեցի, որ նման փոփոխությունները պետք է իրականացնել հնարավորինս անցնցում:
Մտահոգություններս կապված էին այն հանգամանքի հետ, որ փակ համակարգին անցնելիս այս բիզնեսի ներկայացուցիչները կարող են կրել մեծ վնասներ՝ ընդհուպ փակելով իրենց ձկնաբուծարանները:
Ցավոք, մտավախությունս հաստատվեց. այսօր վաղ առավոտից ձկնաբույծները բողոքի ակցիա են իրականացնում Շրջակա միջավայրի նախարարության դիմաց:
Բոլորիս է հայտնի, որ Հայաստանում ունենք ջրային ռեսուրսների, ինչպես նաև՝ ճիշտ կառավարման խնդիր: Բազմիցս բարձրաձայնել եմ, որ շատ հաճախ տեխնիկական հագեցվածության պակասի, մաշված խողովակների արդյունքում ենք ունենում ջրի կորուստներ:
Ինչ վերաբերում է փակ համակարգին անցնելուն, միանշանակ է, որ բոլորիս ցանկությունը մեկն է՝ հնարավորինս խնայել մեր ջրային պաշարները:
Սակայն, Շրջակա միջավայրի նախարարությունը, մինչ տնտեսվարողներին անցնելը, լավ կլիներ, որ բացառեր նման դեպքերը: Տեսանյութում Արարատյան դաշտավայրի տիրազուրկ հորերն են, որոնք անխնա գնում, թափվում են հարևան պետություններ:
Մինչդեռ, կարելի էր առնվազն փականներ տեղադրել, կոնսերվացնել այս ջրերը: Կարծում եմ՝ մեծ ծախսեր չեն պահանջվում դրա համար:
Մեր ջրային ռեսուրսները վատնվում են նախևառաջ պատկան մարմինների անտարբերության հետևանքով:
Ինչ վերաբերում է կոնկրետ խնդրին, կարելի էր շահագրգիռ կողմերի, ձկնաբույծների հետ մինչ օրենքի ընդունումը ունենալ հանդիպումներ, լսել նրանց մտահոգությունները, կազմել աջակցության ծրագրեր՝ փակ համակարգին անցնցում և առանց վնասների անցնելու համար:
Չպետք է թույլ տալ, որ գյուղատնտեսության միակ աճող ոլորտը՝ ձկնաբուծությունը անկում ապրի, փակվեն ձկնաբուծարանները»:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
30319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
28719.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
161816.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
129915.11.2026, 19:19
Խաղողագործներին փող չեն տալիս․ «Հրապարակ»
75414.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
168613.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
76312.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
203510.11.2026, 19:37