«Բանկերն իրենց ամենակարողի տեղ են դրել». քաղաքացի

ՀՀ քաղաքացի Տիգրան Գալստյանի բարձրացրած տեսահարցը վերաբերում էր բանկերի՝ բարձր տոկոսով տրամադրող վարկերին. «Բանկերն իրենց վարկային տոկոսները շատ բարձր են դնում ու կարող ա ես իստորիայով ուշացում չունենամ, բայց ինձ մերժեն՝ չասելով՝ ինչի՞, այսինքն՝ ամենակարողի տեղ են իրենց դնում, արհամարհում են»: Փաշինյանն արձագանքեց. «Շատ է փորձ արվում բանկային համակարգը, էսպես ասած, դեմոնիզացնել ու սրա մեջ հասկանալի բան կա, մարդկային էությունից է երևի, մարդիկ հաճույքով փող վերցնում են, բայց վերադարձնելն էդքան էլ հաճելի չի, բայց տոկոսների պրոբլեմը հասկանալի պրոբլեմ է: Տեսեք, վարկը, որ պետք է քաղաքացին վերցնի, ձևավորվում է հետևյալ կերպ՝ քաղաքացիներն իրենց գումարը դնում են բանկերում՝ որպես ավանդ, այսինքն՝ բանկը քաղաքացիների մի խմբից փողերը հավաքում է, տրամադրում մյուս խմբին: Որպեսզի քաղաքացիները շահագրգռված լինեն փողը բանկում դնել, բանկերը էդ ավանդների համար տոկոսներ են առաջարկում, այսինքն՝ բանկը որպեսզի փող հավաքի քաղաքացիներից ու բաժանի մյուսներին, ինքը պետք է ավելի շատ տոկոս առաջարկի, որովհետև եթե քիչ ա, քաղաքացին փաստ չի, որ իր փողը կտանի, բանկում կդնի: Տոկոսով փող հավաքում է ու տոկոսով փող տալիս է: Տոկոսներն առաջանում են նաև գործառնական ծախսերից՝ բանկը շենք ունի, որի համար ծախսեր է անում, սպասարկում են, մարդիկ են աշխատում... Եթե բանկային համակարգի աշխատանքը ճիշտ պատկերացնենք, պրոցեսները հասկանալի կլինեն»,- ասաց Փաշինյանը: