«Չեմ ասում` թշնամանք չկա, ասում եմ` էդ թշնամանքը պետք է կառավարել» Փաշինյանը` հայ-թուրքական հարաբերությունների մասին

«Հարցերի հարցը հետևյալն է, թե մենք ի վերջո, ՀՀ-ն թուրքական գործոնի հետ կարողանալո՞ւ ենք բանաձև գտնել խաղաղության և համակեցության: Եթե այո, ապա կիզակետերից կարող ենք դուրս գալ, եթե ոչ, անընդհատ լինելու ենք աքցանի մեջ: Ի վերջո, մենք մեր քաղաքականությունները և մեր գիտակցությունը ոչ միայն վերջին 30 տարում, այլև շատ ավելի երկար ժամանակաշրջանում, մեզ կառավարողը և մեր գործողությունները կանխորոշողն առանցքային՝ թուրքական գործոնի՝ մեր ընկալումն է: Թուրքական գործոնի ընկալումը՝ որպես սպառնալիք: Էնպես չի, որ դա օդից ա, դրա համար շատ կոնկրետ պատմություն, պատճառներ կան: Բայց եկեք նաև ընդունենք ու խոստովանենք, որ շատ դեպքերում էդ մեր ընկալումն օգտագործվել ա մեր դեմ՝ թույլ չտալու համար, որ մենք էս տարածաշրջանում լիաթոք ապրենք ու շնչենք: Եվ մենք առաջին հերթին մեր տարածաշրջանում մեր հարաբերությունները պիտի կարողանանք կարգավորել: Բարդ ա, դժվար ա ահավոր, բայց սա առաջին կարևոր գիտակցումն ա, որովհետև թուրքական բանի նկատմամբ վախը շատ դեպքերում օգտագործվում է, որպեսզի մենք պետություն չդառնանք, բայց մյուս կողմից էլ էդ սպառնալիքի գիտակցումը ասում եմ՝ էնպես չի, որ հնարված է: Բայց էստեղ մենք պետք ա մի որոշում կայացնենք, որ էդ սպառնալիքի թիվ մեկ կառավարողը մենք ենք:
Ես չեմ ասում՝ թշնամանք չկա, ես ասում եմ՝ էդ թշնամանքը պետք է կառավարել և փոքր քայլերով դարձնել համագործացության բանաձևեր»,- այսօր ասուլիսի ժամանակ նման կարծիք է հայտնել Նիկոլ Փաշինյանը: