«Հատուկ ուզում եմ նշել դատախազի պարադոքսալ միտքը». Չալաբյան

«Դատախազն առաջարկեց սահմանափակել ձեր ազատությունը՝ 2,6 տարի ժամկետով, նշանակված պատժին հաշվակցել ձեր՝ անազատության մեջ եղած ժամանակահատվածը, և վերջանական պատիժ նշանակել ազատության սահմանափակում 1 տարի 11 ամիս 4 օր ժամկետով, ինչպե՞ս կմեկնաբանեք գործընթացը»,- այսօրվա դատական նիստից հետո, դիմելով հասարակական-քաղաքական գործիչ Ավետիք Չալաբյանին, հարցրին լրագրողները: «Ամբողջ գործընթացը բացարձակ քաղաքականացված է: Փորձելու են, որ 2 տարի ես հավաքներ չկազմակերպեմ, հավաքներին չմասնակցեմ, քաղաքական գործընթացներին չմասնակցեմ։ Բնականաբար, ես իմ մեղքը չեմ ընդունում։ Անկախ նրանից՝ ինչ վճիռ է լինելու, մենք բողոքարկելու ենք: Հատուկ ուզում եմ նշել դատախազի՝ շատ պարադոքսալ միտքը, որ՝ եթե ես իմ մեղքը չեմ ընդունում, ծանրացուցիչ հանգամանք է. աբսուրդ»,- ասաց Չալաբյանը: