«Իսկ ո՞վ է ասում՝ ես չեմ վերադառնալու. մոտ ժամանակներս լիքը բան կլսեք»․ Միհրան Պողոսյան

MediaHub-ը հարցազրույց է ունեցել Հարկադիր կատարման ծառայության նախկին ղեկավար, ԱԺ նախկին պատգամավոր Միհրան Պողոսյանի հետ, որի նկատմամբ Հայաստանի իրավապահները քրեական գործ են հարուցել և հետախուզում հայտարարել։

- Պարո՛ն Պողոսյան, վերջերս ռուսական թելեգրամյան ալիքները գրեցին, որ ՌԴ պետավտոտեսուչները Մոսկվայում կանգնեցրել են Ձեր մեքենան, ստուգել փաստաթղթերը, որից հետո ձերբակալել են Ձեզ։ Ի՞նչ կասեք այս մասով։

- Ուրեմն, ինձ հետ կապված տեղեկությունների 99 տոկոսը հիմարություն է, էն մի տոկոսն էլ ինչ-որ ենթադրություն է։ Այսինքն՝ կարող է ինչ-որ մադրիկ շատ ցանկություններ ունեն, և էդ ցանկությունների շրջանակում իրենց մտքերն են արտահայտում։ Բայց էդքանով է եզրափակվում ամեն ինչ։ Ձերբակալման խնդիր չկա, որովհետև նման խնդիրը վերացել է դեռևս 2019 թվականին։

- Այսինքն՝ կանգնեցրել են Ձեր մեքենան, փաստաթղթերը ստուգել են ու չե՞ն ձերբակալել։

- Ոչ էլ կանգնեցրել ստուգել են, էդ ամեն ինչը հեքիաթներ են։ Ոչինչ չի եղել, ընդհանրապես ոչինչ չի եղել։

- Դուք հիմա Մոսկվայո՞ւմ եք։

- Ես հիմա Մոսկվայում եմ, իմ աշխատասենյակում։

- Բայց հետախուզման մեջ։

- Ես հետախուզման մեջ չեմ էստեղ։

- Բայց ՀՀ իրավապահ մարմինների կողմից հետախուզման մեջ գտնվում եք, ամեն դեպքում։

- Շատ բարի, բայց Ռուսաստանը չի ընդունել էդ փաստը։

- Իսկ Դուք Հայաստան վերադառնալու ցանկություն ունե՞ք, և ի՞նչը Ձեզ ստիպեց երկրից հեռանալ ու չվերադառնալ։

- Իսկ ո՞վ է ասում՝ ես չեմ վերադառնալու, ես նման հայտարարությո՞ւն եմ արել․ մոտ ժամանակներս լիքը բան կլսեք...

Մանրամասները՝ սկզբնաղբյուրում: