«Ստացվում է՝ 35 ակացիայի չտեղափոխելն ավելի կարևոր է, քան 3500 բնակչի հարցը»․ «Վերածնունդ» թաղամասի բնակիչներ

«Վերածնունդ» ավանի բնակիչները բողոքի ակցիա են իրականացնում՝ բարձրաձայնելով թաղամասն օր առաջ բնակեցնելու հարցը․ «Խնդիրն այն է, որ թաղամասի շինարարությունն ավարտելու համար անհրաժեշտ է, որպեսզի 35 ակացիաները տեղափոխվեն, դրանից հետո գազի, ջրի գծերը կառուցվեն, հետո՝ պատնեշ, հետո պիտի ճանապարհ լինի։ Դեռ 2021-ին եղել է քաղաքապետի որոշում՝ գենպլանի հաստատում, ըստ որի՝ կառուցապատողը փորձում է աշխատանքները հասցնել ավարտին, բայց քաղաքապետ է փոխվել, նորը չի ցանկանում հաստատված գենպլանի համապատասխան թույլտվություն տալ ակացիաների տեղափոխմանը»,- լրագրողների հետ զրույցում հայտնել է շահառուներից մեկը՝ հավելելով․ «Ստացվում է՝ 35 ակացիայի չտեղափոխելն ավելի կարևոր է, քան 3500 բնակչի հարցը»։