Արցախից բռնագրավված տարածքներում Ադրբեջանը կստեղծի տասնյակ ընտրատեղամասեր

Արցախից բռնագրավված տարածքներում Ադրբեջանը կստեղծի 26 ընտրատեղամաս։

Այս մասին ԿԸՀ-ի այսօրվա նիստում հայտարարել է այդ երկրի փոխնախագահ Ռովզաթ Ղասիմովը։

Հիշեցնենք, որ Ադրբեջանի իշխող «Ենի Ազերբայջան» («Նոր Ադրբեջան» -խմբ.) կուսակցությունը գործող նախագահ Իլհամ Ալիևին նախագահի թեկնածու է առաջադրել 2024 թվականի փետրվարի 7-ին կայանալիք արտահերթ ընտրություններում:

Կուսակցության վարչությունը ընդլայնված նիստ է անցկացրել, որի արդյունքում Ալիևի թեկնածությունն արժանացել է միաձայն հավանության:

Ադրբեջանում նախընտրական քարոզարշավը կսկսվի քվեարկության օրվանից 23 օր առաջ՝ հունվարի 15-ից: