«Ուկրաինայում հարկադիր մոբիլիզացիայից հնարավոր չէ խուսափել». Բուդանով

Ուկրաինայի պաշտպանության նախարարության հետախուզության գլխավոր վարչության ղեկավար Կիրիլ Բուդանովը հայտնել է, որ այժմ երկրում հարկադիր մոբիլիզացիա է իրականացվում։ Բուդանովի ելույթի տեսանյութը հրապարակել է ուկրաինական «Strana» հրատարակության թելեգրամ-ալիքը։

«Բոլոր նրանք, ովքեր ցանկացել են գալ, առաջին վեց ամիսներին եկել են»,- նշել է Բուդանովը՝ հավելելով, որ այժմ բանակ են զորակոչում նրանց, ովքեր չեն ցանկանում այնտեղ ծառայել։

Նրա խոսքով, այդ մարդիկ չունեն մոտիվացիա, և նրանց մարտունակությունն առաջնագծում «գրեթե զրոյական է»։

Նա հավելել է, որ վերջին շրջանում հիմնականում այդպես է լինում։ Բուդանովը նաև կարծում է, որ ուկրաինացիներից շատերը, չնայած Ուկրաինայի մասին ամպագոռգոռ խոսքերին, երբեք իրենց Ուկրաինայի քաղաքացի չեն զգում և ցանկություն չունեն պաշտպանել տարածքը և չեն զգում, որ դա իրենց սուրբ պարտքն է։

«Բոլորն էլ Ուկրաինայի համար են երկրպագում, բայց բոլորն էլ փախչում են»,- հայտարարել է Բուդանովը՝ հավելելով, որ, այդ պատճառով Ուկրաինայում հարկադիր մոբիլիզացիայից հնարավոր չէ խուսափել։