«Ո՞վ է թերացումների համար ձեզ պատժելու». ՔՊ-ականները քննադատում են ԲՏԱ նախարարին

«Երբ նայում ենք հաշվեքննության արդյունքները, այո՛, առաջին տպավորությունն է, որ ոչինչ չի արվել, շատ բացասական արդյունքներ ունենք, ռազմավարությունով սահմանված միջոցառումներ ունենք, որոնք չեն կատարվել։ Բայց եթե փորձենք նայել արված աշխատանքով և ընդունենք մի փաստ, որ թվայնացումը շարունակական պրոցես է, էդ պարագայում որոշ միջոցառումներ ոչ թե պետք է ավարտվեն, այլ շարունակական բարելավման տեղ ունեն. նման մոտեցումով ենք շարժվել առաջ»,- «ՀՀ թվային փոխակերպման գործընթացի հաշվեքննության արդյունքների վերաբերյալ» Հաշվեքննիչ պալատի ընթացիկ եզրակացության քննարկման ժամանակ, ասաց ԲՏԱ նախարար Ռոբերտ Խաչատրյանը։ ՔՊ-ականները սկսեցին խիստ քննադատել նախարարին: «Հաշվեքննությունն ամբողջությամբ բացասական ձևակերպումներով է համեմված՝ չի իրականացվել, չի կատարվել, ստանդարտներ չեն մշակվել, ժամկետներ չեն պահպանվել, միջոցառումները 10-ից 10-ը չի կատարվել և այլն: Ձեր ղեկավարած գերատեսչությունը պետք է առաջնորդություն ստանձներ թվայնացման ռազմավարության ի կատար ածման»,- ասաց ՔՊ-ական Նարեկ Զեյնալյանը: «Ո՞վ է ձեր թերացումների համար ձեզ պատժելու»,- նշեց Անդրանիկ Քոչարյանը: Մանրամասները՝ տեսանյութում: