«Բազեյանը թշնամանք չունի իշխանության հետ. կան գաղափարական տարաձայնություններ». Վարդան Խաչատրյան

Ինչպես հայտնել էինք, Երևանի նախկին քաղաքապետ, ազատամարտիկ Ալբերտ Բազեյանի կալանքի ժամկետը երկարաձգվել է: «Հայոց աշխարհազորի» անդամները, խոսելով Բազեյանի ձերբակալության մասին, ասել են՝ գործը սարքովի է. «Իշխանությունները մտահոգություն ունեն, որ Բազեյանը կարող է լինել առանցքային կերպար, որի շուրջը կարող է համախմբվել այնպիսի զանգված, որը վիճարկի երկրում գոյություն ունեցող ընթացքը»,- նշել է նախկին պատգամավոր, դասախոս, աստվածաբան Վարդան Խաչատրյանը: Նրա խոսքով՝ Բազեյանի հակասությունները ներկայիս իշխանության հետ գաղափարական են. թշնամանք, որը վերագրվում է նրան, չկա: «Բազեյանն առողջական խնդիրներ ունի, մինչդեռ քննչական խումբը պնդում է, որ նա չպետք է կապ ունենա արտաքին աշխարհի հետ»,- հավելել է Խաչատրյանը: