«Գլխավոր դատախազը ձեր ընկերուհին է, կմիջնորդե՞ք ընդունել գերիների հարազատներին». լրագրողները՝ Մանասյանին

«Գերիների, անհետ կորածների հարազատները Կառավարության շենքի մոտ են, տևական ժամանակ է՝ նրանց որևիցե մեկը չի ընդունում՝ ո՛չ Փաշինյանը, ո՛չ Գլխավոր դատախազը: Դուք զրուցե՞լ եք նրանց հետ, կամ հնարավո՞ր է միջնորդեք տվյալ կառույցներին՝ հարցն ուշադրության կենտրոնում պահելու համար, հատկապես, որ Գլխավոր դատախազ Աննա Վարդապետյանը ձեր ընկերուհին է, կարող է ձեզ լսել»,- Կառավարության նիստից հետո, դիմելով ՄԻՊ Անահիտ Մանասյանին, ասացին լրագրողները: Մանասյանն ասաց, որ ինքը հանդես է գալիս որպես Մարդու իրավունքների պաշտպան, ունի լիազորություններ, որի շրջանակներում պետական մարմիններին նաև առաջարկություններով ու գործողություն իրականացնելու պահանջներով է դիմում: «Անհետ կորած զինծառայողների հարազատներին պարբերաբար ընդունում եմ, այս փուլում հստակեցնում ենք ոչ թե գլոբալ հարցադրումները, այլ՝ առանձնացնում ենք յուրաքանչյուր հարազատի մտահոգությունը՝ դետալային առումով հասկանալու՝ կոնկրետ դեպքում խնդիրը որն է»,- նշեց նա: