Ինչո՞ւ չեն բացահայտվում բանկային տերմինալների վրա հարձակումները. «Հրապարակ»

«Հրապարակ»-ը գրում է. «Բանկային համակարգին մոտ կանգնած աղբյուրներն ասում են, որ վերջին շաբաթներին աննախադեպ չափերի են հասել բանկային տերմինալների վրա հարձակումները, կեղծ գործարքները: Երևանի և մարզերի ամենատարբեր անկյուններում տեղակայված այդ սարքերի դեմ իրականացվող գործողություններին, սակայն, կարծես ոստիկանությունը պատշաճ ուշադրություն չի դարձնում:
Բանկերում տարակուսում են, թե ինչու բացահայտումներ չկան՝ չէ՞ որ բազմաթիվ տեսանկարահանող սարքեր կան տեղակայված տերմինալների մերձակայքում, ինչո՞ւ է ոստիկանությունը զլանում բացահայտել այդ հանցագործությունները: Արդյունքում տուժում են հասարակ քաղաքացիները, քանի որ հանցագործները հաճախ փչացնում են սարքերը, և մարդիկ ստիպված են լինում երկար ճանապարհ անցնել՝ վճարում անելու համար, որովհետև իրենց բնակավայրի միակ տերմինալը չի աշխատում»:

Մանրամասները՝ թերթի համարում: