«Խմել ոչ թե խաղաղության, այլ Հզորության կենացը». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ժամանակից հոգնած և խաղաղության հովերով տարված, պայքարն ու երկունքը մերժած ժողովուրդները ժամանակի մեջ հնանում են, հոգնում են կյանքից (իսկ կյանքը հենց պայքարն է, որ կա) և դառնում ավելի կենսունակ, ավելի տոկուն, պայքարի կրքով արբեցած ժողովուրդների ծաղկման ու հզորացման համար իսկական պարարտանյութ, եթե կուզեք՝ գոմաղբ։
Մարտական ժողովուրդները պատմության մեջ իրենց տեղն ունեցել են այնքան ժամանակ, քանի դեռ չեն հրաժարվել պայքարից, իսկ պարզապես գոյատևելու տենչով բորբոքված ժողովուրդները ձուլվել ու ոչնչացել են՝ նպաստելով դոմինանտ ժողովրդի է՜լ ավելի հզորացմանը։
Ո՜նց կուզեի, այս տարի ու ամեն տարի խմել ո'չ թե խաղաղության, այլ Հզորության կենացը ու ասել. «Ճերմակաձին թող գինի խմիր...»»: