«Ինչը կարող է 2024-ը դարձնել տնտեսության իրական զարգացման տարի». Տիգրան Գալստյան

ԱԺ աշխատակազմի նախկին ղեկավար, կառավարման մասնագետ Տիգրան Գալստյանը ֆեյսբուքյան իր էջում գրել է. «Հաջորդ տարվա համար բազմաթիվ դրական ցանկություններ կլինեն։ Դրանց էլ ավելացնեմ մի քանիսը, որ իմ կարծիքով կարող է 2024-ը դարձնել տնտեսության իրական զարգացման սկզբի տարի։
1. Ի վերջո օրենք ընդունվի, որ հայկական խոշոր ընկերությունները պետք է դառնան բաժնետիրական և դրանց բաժնետոմսերի առնվազն 30% շրջանառվեն բորսայում,
2. Ի վերջո վերջ դրվի ֆինանսական շուկայի վրա բանկերի և Կենտրոնական բանկի տոտալ մենաշնորհին,
3. Հայկական հիմքով ուժեղ IT ընկերություններից սեփականատերերի ելքեր (exit) լինեն մեծ եկամուտներով,
4. Հիմք դրվի ենթակառուցվածքների մեծածավալ շինարարությանը՝ երկաթուղի, ճանապարհներ, մետրո,
5. Հանքահումքի վերամշակման առաջին գործարանի կառուցում,
6. Հանկարծ տեղի չունենա անշարժ գույքի շուկայի փլուզում, որի նախնական ազդակները արդեն կան, դա կատաստրոֆիկ կլինի։
Թող խելացի զարգացման տարի լինի»։