Ինչու «Հանրային հեռուստաընկերությունը» չի հեռարձակել կաթողիկոսի ելույթը. մանրամասներ

Քիչ առաջ տեղեկացրինք, որ Ամենայն Հայոց կաթողիկոս Գարեգին Բ-ի ամանորյա ուղերձը չի հեռարձակվելու «Հանրային հեռուստաընկերության» եթերում։

Նիկոլ Փաշինյանի ընտանեկան կայքը՝ «Արմթայմս»-ը, իշխանահաճո բլոգեր Ռոման Բաղդասարյանին հղումով գրեց, իբև թե կաթողիկոսն իր ուղերձի հեռարձակման ժամի պահանջ է դրել ու ուլտիմատում ներկայացրել:

Սակայն, ըստ լրատվամիջոցներում տարածվող տեղեկատվությանման, նման պահանջ առհասարակ չի դրվել։ Պարզապես «Հանրային հեռուստաընկերությունը» հրաժարվել է գիշերը, ինչպես յուրաքանչյուր տարի, հեռարձակել Վեհափառի ամանորյա ուղերձը, և անգամ իրենց հեռուստատեսային ցանցի մեջ այն նախատեսված չէ։ Երբ Վեհափառի ուղերձն արդեն պատրաստ է եղել, Հանրայինը Մայր Աթոռին տեղեկացրել է, որ Վեհափառ հայրապետի խոսքը կարող են եթեր հեռարձակել միայն երեկոյան լուրերի թողարկման ընթացքում, ինչից, Հայ առաքելական սուրբ եկեղեցին հրաժարվել է։
Նկատենք, որ Հայաստանի Երրորդ Հանրապետության գոյության ողջ ընթացքում Վեհափառի խոսքը հեռարձակվել է 23:40-ին։