«Ամենակարևոր խնդիրը կրկին մեկն է՝ այս *** իշխանությունների հեռացումը». Կիվիրյան

Վերլուծաբան Արգիշտի Կիվիրյանը ֆեյսբուքյան իր էջում գրում է. «Հաշված ժամեր են մնացել, որ մենք հրաժեշտ տանք 2023 թվականին և բացենք նոր՝ 2024 թվականի էջը։ Ցավոք, այս տարին էլ հայ ազգը փակեց բազմաթիվ կորուստներով, որոնցից ամենացավալին Արցախի հայաթափումն էր։ Եվ ծանր զգացմունքներով մտնում ենք նորանոր բազմաթիվ դժվարություններով և անհայտություններով լի տարի։ Նոր տարում էլ հայ ազգի գլխին մնում են կախված անցյալի նույն վտանգները և մենք կանգնած ենք այն նույն մարտահրավերների առաջ, որոնք առկա էին նախկինում, և դրանցից ամենակարևորը, դա Հայաստանի՝ որպես հզոր և ինքնաբավ պետության կայացումն է։ Եթե դա չեղավ, մնացած բոլոր ճակատներում մեզ սպասում են տապալումներ և նորանոր կորուստներ։ Եվ այս պարագայում ամենակարևորագույն խնդիրը կրկին մեկն է՝ այս պատուհաս իշխանությունների անցնցում և երկրի անվտանգությանը վերջնականապես չփլուզող հեռացումը։ Քանի այս իշխանությունները կան, անիմաստ է խոսել երկրում լուրջ ռազմա-քաղաքական բարեփոխումների մասին, իսկ այս իշխանություններն էլ այնպես են կառչել իրենց պաշտոններից, որ ընդունակ են հանուն իրենց աթոռների պահպանման փլուզել ողջ պետականությունը։ Այնպես որ, մեզ սպասում են դժվարին քայլեր ու լուծումներ, որոնք մենք պարտավոր ենք անցնել, եթե ցանկանում ենք մնալ՝ որպես ազգ և պետություն։
Շնորհավոր բոլորիդ Ամանորը, միշտ միասին»: