«Երեխան վերարկուն կախեց, կախիչն ընկավ, իրա պետության մասին ի՞նչ է մտածելու». վարչապետ

ՀՀ վարչապետ Նիկոլ Փաշինյանը Կառավարության այսօրվա նիստի ժամանակ անդրադառնալով Լոռու մարզ կատարած իր այցին, որտեղ ծանոթացել էր Կառավարության կողմից իրականացվող ծրագրերի ընթացքին ու բազմաթիվ թերություններ հայտնաբերել, ասաց. «Երեխեքին ասում ենք՝ դպրոցը բացել ենք, եկեք, դաս արեք: Էդ երեխեն իրա վերարկուն որ կախեց, կախիչն ընկավ, իրա պետության մասին ի՞նչ ա մտածելու: Ինչքա՞ն ա լուրջ վերաբերվելու կոչերին՝ եղե՛ք օրինապահ, ուժեղացրե՛ք պետությունը, ազնիվ եղե՛ք: Նրա առաջին ռեակցիան լինելու ա էն, որ 3000-անոցի փոխարեն 150 դրամանոց կախիչ են կախել, մտածելու ա՝ շինարարից վարչապետ փողն իրար մեջ կիսել են: Ես չեմ կարող թույլ տալ, որ մենք պայմաններ ստեղծենք, որ երեխեքը տենց մտածեն»: