Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Ու էս տեսակ ոստիկանի աշխատավարձը բարձրացնելով՝ իր անվտանգությունն է ապահովում». Սոնա Աղեկյան

«Ու էս տեսակ ոստիկանի աշխատավարձը բարձրացնելով՝ իր անվտանգությունն է ապահովում». Սոնա Աղեկյան
217
Ուրբաթ, 05 հունվարի, 2024 թ., 14:36

Երևանի ավագանու «Մայր Հայաստան» խմբակցության անդամ Սոնա Աղեկյանի ֆեյսբուքյան գրառումը. «Հայաստանի ոստիկանության աշխատակիցների մոտ 40%-ը ձախողել է ընդհանուր բաժնի թեստավորման փուլը, Sputnik Արմենիայի հարցմանն ի պատասխան հայտնել է ՆԳՆ մամուլի ծառայությունը։
2023 թվականի դեկտեմբերի վերջի դրությամբ ատեստավորմանը մասնակցել է ոստիկանության 1123 ծառայող, որոնցից բոլոր փուլերը հաղթահարել են 190-ը:
Եվս 3 աշխատակիցների ատեստավորումն ընթացքի մեջ էր։
Ատեստավորումը ներառում է 4 փուլ՝
Ընդհանուր բաժնի թեստավորում՝ էլեկտրոնային եղանակով (ոստիկաններն անվանում են այն «IQ թեստ»- խմբ.),
Ստուգարք, որը բաղկացած է 2 փուլից՝ ֆիզիկական և կրակային պատրաստականության ստուգում,
Մասնագիտական բաժնի թեստավորում՝ էլեկտրոնային եղանակով
Հարցազրույց՝ գլխավոր և բարձրագույն խմբի պաշտոններ զբաղեցնող ծառայողների համար։
ՆԳՆ-ից հայտնել են, որ ընդհանուր բաժնի թեստավորման փուլը չի կարողացել հաղթահարել 454 մասնակից, ֆիզիկական պատաստականության փուլը՝ 192, կրակային պատրաստականության փուլը՝ 279, իսկ մասնագիտական բաժնի թեստավորման փուլը՝ 8 ծառայող:
Նշենք, որ ընդհանուր բաժնի թեստավորումը բաղկացած է երկու ենթաբաժնից ՝ ընդհանուր զարգացում և մասնագիտական հմտություններ:
Ու էս տեսակ ոստիկանի աշխատավարձն օրեցօր բարձրացնելով իր անվտանգությունն է ապահովում՝ ավարտին հասցնելու Հայոց կործանումը»:

Աղբյուրը`   Սոնա Աղեկյան