«Համախմբվեք՝ ողջ ներուժով կասեցնելու Ադրբեջանի ծավալապաշտական նկրտումները»․ Գարեգին Բ

«Արցախը միայնակ մնաց իրեն պատած արհավիրքների օրերին, արցախցի հայորդիք եղան հալածական՝ հայրենի բնօրրանից, անդաստական ու անօթևան, բայց տերը, ով իր ծննդյամբ փրկություն ու լույս բերեց խավարի մեջ, ցույց է տալիս, որ Աստծո հետ ամեն նեղություն վերափոխվում է հաղթության, ամեն տառապանք՝ աստվածային հատուցման, ամեն դժվարություն՝ ուժի զորության, և անգամ մահը՝ հավիտենության։ Այս գիտակցությամբ ու հանձնառությամբ մեկտեղենք մեր ջանքները՝ փորձությունները հաղթահարելու համար»,- Սուրբ Ծննդյան հայրապետական պատարագի ժամանակ իր խոսում ասաց Ամենայն հայոց կաթողիկոսը։ «Ապավինենք տիրոջը, ամուր մնանք հավատքի մեջ, լինենք բարու, սիրո ու ճշմարտի առաջամարտիկներ։ Համախմբվեք միասին՝ մեր ողջ ներուժով կասեցնելու համար Ադրբեջանի ծավալապաշտական նկրտումներն ու ոտնձգությունները, վերացնենք արհեստականորեն մեր մեջ ստեղծված անջրպետները, ապրենք՝ միմյանց հանդեպ սիրով, որ երկնային օրհնությամբ պայծառանանհայրեկանա ու ազգային մեր անդաստանները»,- պատգամեց Գարեգին Բ կաթողիկոսը։