«Ձեզ պետք է ոչ թե կամավոր, այլ՝ պարտադիր ատեստացիայի ենթարկեն»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը հունվարի 4-ին ԿԳՄՍ նախարարությունում, այդ նախարարության 2023 թվականի գործունեության վերաբերյալ հաշվետվությունը քննարկելու ժամանակ, հայտարարել է՝ տարրական դասարանների ուսուցիչն ատեստավորումից կտրվում է, հասկանում ե՞ք՝ դա ինչ է նշանակում։ ԿԳՄՍ նախարար Ժաննա Անդրեասյան էլ վարչապետի ասածին համահունչ ասել է, որ կամավոր ատեստավորումը ախտորոշում է ուսուցիչների հետ կապված խնդիրները, ատեստավորմանը ուսուցիչների չմասնակցելը դրանով է պայմանավորված։ Եթե վարչապետի և նախարարների համար հրապարակային, արդար ձևով ատեստավորում անցկացվի, նախկինում սկանդալային լրագրող Նիկոլ Փաշինյանը, կարո՞ղ է հաջողությամբ հանձնել վարչապետի, մասնագիտությամբ հոգեբան Ժաննա Անդրեասյանը՝ ԿԳՄՍ նախարարի, պատմության դասատու Սուրեն Պապիկյանը՝ պաշտպանության նախարարի, իրավաբան Անահիտ Ավանեսյանը՝ առողջապահության նախարարի համար նախատեսված հարցաշարը և այդպես շարունակ»։