«Առկա է կառավարման արդյունավետության համակարգային խնդիր»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Պետության ղեկավարը փոխանակ Հայաստանի առաջ ծառացած աշխարհաքաղաքական լուրջ մարտահրավերներով զբաղվի, դպրոցներում սուպերվայզերություն է անում, բասկետբոլի վահանակի, ֆուտբոլի դարպասի հետևի պատի, բաղնիքի ցնցուղի և այլնի որակը ստուգում, երբ ինքն այդ բաների մասնագետ չէ։ Առկա է կառավարման արդյունավետության համակարգային խնդիր։ Վարչապետ դառնալուց հետո, հինգուկես տարում Նիկոլ Փաշինյանը դուրս չեկավ դեղին մամուլի լրագրողի կարգավիճակից, բոլորին, բայց ոչ իրեն իրավիճակի համար մեղադրողի դերից։ Փաստացի, շարունակվող պատերազմի մեջ գտնվող Հայաստանի համար սա ողբերգություն է»։