«Քրեական վարույթներ դեռևս հարուցված չեն». նախարար

«Բոլորս տեսանք վարչապետի այցերի արդյունքում հրաժարականներ ու համապատասխան պաշտոնյաների դեմ կիրառված սանկցիաներ՝ այն առումով, որ թերի աշխատանքը պետք է ունենա իր հետևանքը»,- այսօրվա ասուլիսի ժամանակ հայտարարել է Արդարադատության նախարար Գրիգոր Մինասյանը՝ հավելելով, որ քրեական վարույթներ դեռևս հարուցված չեն. «Մեր իրավապահներն ուսումնասիրում են, որպեսզի հասկանան՝ մրցույթի հայտարարման տեխնիկական առաջադրանքների ու հանձնման-ընդունման ակտի միջև կա՞ անհամապատասխանություն, թե՞ ոչ: Եթե այո, բնականաբար վարույթներ կլինեն»: