«Տգիտությունից ավելի վնասակար բան մեկ էլ հավակնոտ տգիտությունն է». Հակոբ Կարապետյան

Հայկ Մարությանի թիմակից Հակոբ Կարապետյանի ֆեյսբուքյան գրառումը. «Հիշում ե՞ք՝ Մարկեսի «Հարյուր տարվա մենության» մեջ մի հերոս կար, որը, կիսագրագետ լինելով հանդերձ, շատ պրպտուն միտք ուներ ու զանազան փորձերի միջոցով իր համար կարեւոր հայտագործություններ էր անում։ Ու մի օր էս մարդը բացահայտեց, որ երկիրը կլոր է ու պտտվում է արեգակի շուրջ։ Խիստ ոգեւորված էս հայտնագործությունից, նա նամակագրական կապի մեջ մտավ մի ժամանակակից գիտնականի հետ, ու պարզվեց, որ 19-րդ դարավերջին իր սեփական ուժերով արած հայտագործությունը, մեղմ ասած, ակտուալ չի։
Նախօրեին Գեղարքունիքում կուսակցական ակտիվի հետ հանդիպման ժամանակ վարչապետ Նիկոլ Փաշինյանը ասել է, որ ̶բ̶ա̶զ̶մ̶ա̶թ̶ի̶վ̶ ̶հ̶ե̶ռ̶ո̶ւ̶ս̶տ̶ա̶դ̶ի̶տ̶ո̶ղ̶ն̶ե̶ր̶ի̶ ̶խ̶ն̶դ̶ր̶ա̶ն̶ք̶ո̶վ̶ մի խումբ մասնագետներ դիմել են ԿԳՄՍ նախարարությանը, որ դպրոցական «Հայոց պատմություն» առարկան վերանվանվի «Հայաստանի պատմություն»։ Ու էս առաջարկը վարչապետին, իր իսկ խոսքով, ցնցել է, որովհետե՜ւ, Հայաստանի պատմությունը պետականության մասին է, իսկ հայոց պատմությունը՝ պետականությունից զուրկ ժողովրդի։
Հանուն բոլոր սրբերի, խնդրում եմ ՔՊ կուսակցության համակիր կամ անդամ իմ ընթերցողներին՝ մեկդ Սիրելի Առաջնորդին ասեք, որ ժամանակին՝ անկախության վերականգնման շրջանում, էս դիսկուրսը արդեն եղել է, եւ «Հայ ժողովրդի պատմություն» սովետական առարկան փոխարինվել է «Հայոց պատմություն»-ով։ Իսկ էդ «Հայոց»-ը նույնական է «Հայաստանի» պատմությանը շատ պարզ պատճառով․ որովհետեւ էդ «Հայոց»-ը Հայքի, նույն է թե՝ Հայաստանի սեռական հոլովն է։
Հ․Գ․ Էս ամեն ինչը ինձ մղձավանջի նման հիշեցրրեց Մյունխենի չարաբաստիկ նախապատերազմական բանավեճը։ Դրանից հետո շատ ջրեր են հոսել, բայց մղձավանջը շարունակվում է։ Որովհետեւ տգիտությունից ավելի վնասակար բան, թերեւս, մեկ էլ հավակնոտ տգիտությունն է»։