«Բանկերում, սուպերմարկետներում հաճախորդների համար զուգարաններ չկան». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Ամեն օր հարյուր հազարավոր մարդիկ են այցելում Երևանի սուպերմարկետներ, բանկերի մասնաճյուղեր։ Այդ այցելուները տարբեր տարիքի, առողջական վիճակի են, նրանցից ոմանք ամեն պահ կարող են զուգարանի կարիք ունենալ, սակայն բանկերում, սուպերմարկետներում հաճախորդների համար զուգարաններ չկան։ Հաճախորդների կողմից նման պահանջ չի ներկայացվում, դրանք չեն գործարկվում։ Հայաստանի պետական, մասնավոր շատ հիմնարկներում զուգարանների դռները փակ են, դրանց բանալիները ունեն միայն այդ հիմնարկների աշխատողները։ ԱՄՆ-ում ցանկացած հիմնարկ, եթե բոլորի համար բաց զուգարան չունի, ստուգողների կողմից փակվում է։ Հայատանցիներն իրենց տարրական հիրավունքների համար չեն պայքարում, նրանք ինչպե՞ս կարող են պայքարել Արցախի, Հայաստան պետության, մեր ինքնիշխանության համար»: