Երկուշաբթի, 23 փետրվարի, 2026 թ.
|
Ստեփանակերտում`   +10 °C

«Ի՞նչ ռեստորաններ, սրճարաններ և կառույցներ են գտնվում Օղակաձև այգու 4-րդ հատվածում». Հովսեփ Կուբատյան

«Ի՞նչ ռեստորաններ, սրճարաններ և կառույցներ են գտնվում Օղակաձև այգու 4-րդ հատվածում». Հովսեփ Կուբատյան
216
Երկուշաբթի, 15 հունվարի, 2024 թ., 21:18

Երևանի ավագանու անդամ Հովսեփ Կուբատյանի ֆեյսբուքյան գրառումը. «Ինչ ռեստորաններ, սրճարաններ և կառույցներ են գտնվում Օղակաձև այգու 4-րդ հատվածում
Այսօր Տիգրան Ավինյանը՝ խոսելով Օղակաձև այգու 4-րդ հատվածի բարեկարգման նախագծի մասին նաև ասել է, որ այգու տարածքում գործող ռեստորանները, սրճարանները, տաղավարները վերանալու են՝ այդ հատվածը դարձնելով հանրային կանաչ տարածք՝ նորարարական լուծումներով։
Այս պահին կարելի է անդրադառնալ, թե ինչ շինություններ են տեղակայված Օղակաձև այգու այս հատվածում, քանի որ թենիսի կորտերը, կարծես, երկրորդ պլան մղեցին ռեստորանների, սրճարանների և տաղավարների մասին խոսակցությունները։
Միանգամից պետք է նշեմ, որ շատ ողջունելի է այգու տարածքից այս բոլոր կառույցները հանելու մտադրությունը, բայց կրկին առաջ է գալիս վստահության հարցը (տես նախորդ գրառումս)։
Եվ այսպես, դեռ օգտագործելով առկա օնլայն գործիքները, պարզեցի, որ տարածքում առկա է 10-ից ավելի շինություն, որոնք պետք է ապամոնտաժվեն։ Դրանց թվում է «Տաշիր պիցցան», «Լաբիրինթը», նախկին «Սիրո Արահետ» սրճարանը, մի շարք այլ զվարճանքի օբյեկներ և բավական շատ կրպակներ: Առաջիկա օրերին, արդեն տեղում կուսումնասիրեմ տարածքը»։

Գրառման մեկնաբանությունների բաժնում Երևանի քաղաքապետի մամուլի քարտուղար Հայկ Կոստանյանը գրել է. «Կուբաթյան ջան, բոլոր քո նշված շինությունները քանդվելու են»: