«ՀՀ-ում ավելի վստահ են տնտեսությունը չեզոքացնում, քան դա պետք էր ՌԴ-ին կամ Ադրբեջանին և Թուրքիային». Սամսոն Գրիգորյան

Գործարար Սամսոն Գրիգորյանը ֆեյսբուքյան իր էջում գրել է. «Ասում են, որ Փոթիի նավահանգստից ՀՀ կապը դեպի ԵԱՏՄ երկրներ ապահովող լաստանավային ծրագիրը դադարեցվել է։ Ասում են նաև, որ լաստանավի փոխարեն գործարկվել են կոնտեյներատար նավեր։ Հայտարարել են, որ գործարարների շրջանում անհրաժեշտ հետաքրքրություն չգտնելու և ֆինանանսապես ոչ շահավետ լինելու պատճառով է ծրագիրը վիժեցվել։
Եթե կոնտեյներատարներով լաստանավերը փոխարինելու փաստը իրավացի է, ապա պարզ էր, որ չի աշխատելու։ Կոնտեյներատարի դեպքում մեքենան պետք է հասնի նավահանգիստ, կոնտեյները վրայից հանվի և բարձվի նավի վրա, հետո, մյուս կանգառում, նոր մեքենա պետք է ընդուներ բեռը, վերջնակետ հասցնելու համար։ Սա ծախսատար է, մի քանի անգամ բեռնափոխադրումը թանկացնող գործիք է։ Եթե լիներ լաստանավ, բեռնատարը ամբողջությամբ կբարձրանար վրան և, հետո նույն մեքենան կշարունակեր իր ճանապարհը։
Եթե այս ամենը իրավացի է, և այսպես էլ եղել է, ուրեմն ամեն ինչ ավելի վատ է, քան ես էի կարծում, ուրեմն ՀՀ-ում ավելի վստահ են տնտեսությունը չեզոքացնում, քան դա պետք էր, ասենք ՌԴ-ին, կամ Ադրբեջանին և Թուրքիային։
Իսկ եթե ի սկզբանե լաստանավը չաշխատող մեթոդ էր, ուրեմն սա շարքային պոպուլիզմ է, մանիպուլիացիա, որոնք, ինչպես նաև այլ շատ տեսականեր օգտագործելով, այս իշխանությունները մոլորության մեջ դնելով ՀՀ քաղաքացիներին, ուզուրպացրել են երկրի կառավարումը։
Փաստն այն է, որ ՀՀ արտահանումը նորից մնաց Վերին Լարսի հույսին, կնշանակի՝ անհույս»: