«Հերթը հասավ Հայոց պատմությանը». Արմեն Եղիազարյան

ԼՀԿ խորհրդի անդամ, ԱԺ նախկին պատգամավոր Արմեն Եղիազարյանը ֆեյսբուքյան իր էջում գրել է. «Հերթը հասավ Հայոց պատմությանը...
Երբ նայում ես վերջին ժամանակաշրջանում տեղի ունեցող երևույթների խրոնիկային ակնհայտ է դառնում, որ այս իշխանությունը հետևողականորեն ոչնչացնում է ազգային, պատմական և հայրենասիրական բոլոր արժեքները։
Եթե նույնիսկ շատ չմանրանանք, ապա ակնհայտ է այս պատկերը՝
- Քննարկվում էր զինանշանի փոփոխությունը և որոշ պատմական սիմվոլների հեռացումը զինանշանից։
- Քննարկվում էր Արարատ լեռի որպես Հայկական սիմվոլ այլևս չդիտարկելը և նույնիսկ զինանշանի վրայից հեռացնելը։
- Հայոց պատմության նոր դասագրքերը խայտառակ բովանդակությամբ տպագրվեցին և չնայած ամբողջ գիտական սեգմենտի դիտարկումներին զոռբայությամբ մտցնում են շրջանառության մեջ։
- Որոշ շերտերում նսեմացվում և բացասական կենտեքստով սկսեցին խոսել ֆիդայիների ու ֆիդայականության մասին։
- Եկեղեցու դեմ սկսված է ակնհայտ պայքար։
- Հիմա էլ հերթը հասել է Հայոց պատմությանը...
Այս ապազգային զարգացումների շարքը շարունակվելու է այնքան ժամանակ, քանի դեռ հասարակությունը չի գիտակցի այս անդառնալի վնասների հետևանքները և կշարունակի էյֆորիայի մեջ բավարարվել կոսմետիկ, պրիմիտիվ և պոպուլիստական լուծումներով»։