«Բարեկամավանի բուժկետն է. իշխանություններին հետաքրքրում է միայն Երևանի կենտրոնը». Թաթուլ Հակոբյան

Լրագրող Թաթուլ Հակոբյանը գրում է. «Բարեկամավանի բուժկետն է, և ինչպես այս նկարից է երևում, Հայաստանի նախկին և ներկա իշխանություններին հետաքրքրում է Երևանի կենտրոնը՝ Հյուսիսային պողոտան, թենիսի կորտերը և այլն:
Մինչդեռ Բարեկամավանը կիլոմետրերով սահման է պահում և գտնվում է ադրբեջանական 3 գյուղերի անմիջական հարևանությամբ:
Ո՞նց ենք ուզում այս և մյուս մեր սահմանային գյուղերում մարդ պահել, երբ իշխանություններին չի հետաքրքրում մարդն ու մարդու առողջությունը:
Մենք արդեն 9 ընտանիք ենք տեղափոխել Բարեկամավան՝ շնորհիվ մեր ընկերների առատաձեռն նվիրատվությունների: Այսօր 38 արցախցի հաստատվել է Բարեկամավանում, դպրոց է գնում 25 աշակերտ, նախկին 15-ի փոխարեն:
Մեր թիրախում այս բուժկետի շենքն է, և այն պետք է ունենա կարմիր տանիք և վերանորգված սենյակ, սպիտակ պատեր, մաքուր, շատ մաքուր»: