«Հայաստանի կառավարությունը կատարում է իր «տնային աշխատանքը»». Վահան Կոստանյան

Ի վերջո Ադրբեջանը պիտի պատասխանի՝ հետաքրքվա՞ծ են խաղաղության հաստատմաբ, թե՞՝ ոչ, «Հանրային»-ի եթերում ասաց ՀՀ արտաքին գործերի նախարարի տեղակալ Վահան Կոստանյանը։

«Այն փաստը, որ Ադրբեջանում դեռևս շարունակվում են 23 գերի մնալ, մյուս փաստերը՝ հռետորաբանությունը, սրանք բացասական են ընկալվում մեր կողմից և Ադրբեջանի ղեկավարության գործողությունները մեր կողմից արժանանում են խիստ գնահատականների։

Բայց, այնուամենայնիվ, Հայաստանի կառավարությունը շարունակում է նպատակաուղղված քայլեր ձեռնարկել Հարավային Կովկասում խաղաղություն և կայունություն կառուցելու, մասնավորապես՝ Ադրբեջանի հետ հարաբերությունները կարգավորելու ուղղությամբ։

Իսկ հումանիտար խնդիրների լուծման վերաբերյալ մշտապես այս տարիների ընթացքում բանակցային գործընթացի և նաև երկու երկրների ղեկավարների միջև տեղի ունեցած հանդիպումներում մշտապես խոսվել է։

Ի տարբերություն ադրբեջանական կողմի, որը շարունակաբար խախտել է այս պայմանավորվածությունները՝ նույն Բրյուսելում ձեռք բերված»։

Ըստ Կոստանյանի՝ հայկական կողմը հետաքրքրված է հումանիտար խնդիրների լուծմամբ, և այս ուղղությամբ իրենք կատարում են իրենց «տնային աշխատանքը». նոր քարտեզներ են կազմվել, միևնույն ժամանակ իրենք կարծում են, որ մնացյալ բոլոր հումանիտար խնդիրները, որոնք այս պահին ադրբեջանական դաշտում են, նույնպես պիտի իրենց լուծումը ստանան։