«Հայաստանը չպետք է թույլ տա, որ օտար ափերից հայհոյեն հայ ժողովրդին». Տ. Հակոբյան

ՀՌՀ նախագահ Տիգրան Հակոբյանն ընթացող ասուլիսի ժամանակ հայտարարել է, որ այն, ինչ թույլատրված է հայկական հեռարձակողներին, չի կարող թույլատրվել օտարներին. «Մենք ձևավորում ենք մեր տեղեկատվական օրակարգը՝ իր քննադատությամբ, իր լուսաբանմամբ։ Հայաստանը, որպես սուվերեն պետություն, չպետք է թույլ տա, որ մեկը, նստած օտար ափերում, ամենավերջին բառերով հայհոյի Հայաստանին, հայ ժողովրդին, ղեկավարությանը՝ անկախ նրանից՝ մենք սիրում ենք այդ ղեկավարությանը, թե ոչ»,- ասել է նա՝ անդրադառնալով ռուսական հեռարձակողների մասին հարցին:

ՀՌՀ-ն 2023թ. դեկտեմբերի 20-ին որոշել էր 30 օրով կասեցնել Sputnik Արմենիա ռադիոկայանի հեռարձակումը, վերահեռարձակող «Տոսպա» ռադիոընկերությունը մեկ ամսով զրկվել էր լիցենզիայից։ Այս տարվա հունվարի 25-ին Sputnik Արմենիան վերադարձավ եթեր: