«Ինչո՞ւ է ԱԱԾ-ն մտել Էկոնոմիկայի նախարարություն». լրագրողը՝ Քերոբյանին

«Ինչո՞ւ է ԱԱԾ-ն մտել Էկոնոմիկայի նախարարություն»,- ԱԺ-ում, դիմելով նախարար Վահան Քերոբյանին, հարցրեց լրագրողը: Ավելի վաղ հայտնի էր դարձել, որ ԱԱԾ-ն ձերբակալել է Էկոնոմիկայի փոխնախարարին ու վարչության պետին: Քերոբյանն ասաց՝ մանրամասներին չի տիրապետում. «Քննչական մարմինները պետական կառավարման մարմիններ կարող են մտնել հիմնականում կոռուպցիոն գործերով, ու մենք, բնականաբար, գերկարևորում ենք կոռուպցիայի դեմ պայքարը, բայց նաև պետք է նշեմ, որ հարգում ենք մարդկանց անմեղության կանխավարկածը: Վերջին երեք տարվա մեջ մեր աշխատակիցների նկատմամբ մեղադրական դատավճիռ չի եղել»,- նշեց նախարարը: