Հուշակոթողի նկատմամբ անհարգալից վերաբերմունք ցուցաբերած քաղաքացին ձերբակալվել է

ՀՀ Ներքին գործերի նախարարության ոստիկանության Արաբկիրի բաժնի քրեական հետախուզության և համայնքային ոստիկանության բաժանմունքների ծառայողները պարզել են Երևանում Լենինգրադի պաշարման ժամանակ զոհված երեխաների հիշտակին նվիրված հուշակոթողի նկատմամբ անհարգալից վերաբերմունք ցուցաբերած քաղաքացու ինքնությունը։

Աղբյուրի տեղեկություններով՝ Արաբկիրի ոստիկանները պարզել են, որ նա Երևանի բնակիչ 46-ամյա Սամվել Շիրինյանն է, ով փորձել է լքել ՀՀ սահմանը։
Արաբկիրի ոստիկաններն ուղևորվել են Տավուշի մարզ և այսօր առավոտյան ժամը 06։00-ի սահմաններում «Բագրատաշեն» Սահմանային անցակետում հայտնաբերել և ձերբակալել են Ս․ Շիրինյանին և տեղափոխում ոստիկանության Արաբկիրի բաժին։
Դեպքի փաստով փաստաթղթեր են կազմակերպվում և փաստաթղթերն ու նրան ներկայացնում են Հայաստանի Քննչական կոմիտեի Երևան քաղաքի քննչական վարչության Արաբկիրի քննչական բաժին, որտեղ էլ քննիչի որոշմամբ նա ձերբակալվում է։
Ավելին՝ սկզբնաղբյուր կայքում։