«Մեր գործընկերներին երգի լինքն ուղարկել եմ». վարչապետ

«Այս ամիս հայտարարելու ենք էլեկտրոնային նոր պլատֆորմի գնման մրցույթ, որը մրցույթներին մասնակցողների ու պետական հիմնարկների գործընթացային հարցերը դարձնելու է մատչելի, թափանցիկ, վերլուծական կարողություններն է մեծացնելու: Մրցույթին հետաքրքրություն ունեն մասնակցելու աշխարհի ամենախոշոր տեխնոլոգիաներ վաճառող ընկերությունները»,- այս մասին Կառավարության նիստի ժամանակ տեղեկացրեց Ֆինանսների նախարար Վահե Հովհաննիսյանը: Վարչապետ Փաշինյանն ասաց՝ կարևոր նախագծերը պետք է անձամբ փորձարկել. «Օն լայն հարթակ ենք ձևավորել, պիտի ժամանակ տրամադրենք, մտնենք ու հարթակի շահառուի համարի նախատեսված գործողություններն անենք, տեսնենք՝ աշխատո՞ւմ է, թե՞ չի ստացվում: Որովհետև զեկուցելիս՝ ամեն ինչ լավ ա, բացում ենք լուրերում, իմանում, որ շատ վատ ա, հետո օպերատիվ զեկուցում են, որ ամեն ինչ վատ ա, ոչ մի բան փոխել հնարավոր չի՝ էն երգի տրամաբանությամբ: Մի անգամ մեր մի շարք գործընկերներին էդ ֆրանսիական հայտնի երգի լինքն ուղարկել եմ...»: