Ալեն Սիմոնյանի եղբոր կինը կալանավորվեց

Ալեն Սիմոնյանի եղբոր կինը 2 ամսով կալանավորվեց:

Lրագրողների հետ զրույցում Անի Գևորգյանի փաստաբան Մուշեղ Ալեքսանյանը նշեց, որ որոշումը դեռևս պատրաստ չի, քաղվածքի տեսքով է, ստանալուն պես անմիջապես բողոքարկվելու է վերադաս դատարան
Հիշեցնենք, որ Ալեն Սիմոնյանի եղբոր կինը մեղադրվում է պաշտոնական դիրքի չարաշահմանն օժանդակելու մեջ:

«Ամբողջ մեղմացուցիչ հանգամանքները, 2 և 4 տարեկան երեխաների հանգամանքները անտեսվել են»,- դգոհել է փաստաբանը:

Հիշեցնենք, որ երեկ երեկոյան ձերբակալվել էր ԱԺ նախագահ Ալեն Սիմոնյանի եղբոր՝ Կառլեն Սիմոնյանի կինը՝ Անի Գևորգյանը:

Անի Գևորգյանը երկար տարիներ աշխատել է IT ամենահայտնի կազմակերպություններից մեկում՝ «Սիներջի»-ում՝ որպես ծրագրերի ղեկավար: Մոտ մեկուկես տարի առաջ «Սիներջի»-ն էկոնոմիկայի նախարարության հայտարարած տենդերներից մեկին է մասնակցել: Մասնակցել են 4 ընկերություն, սակայն տենդերը չեղարկվել է և «Սիներջի»-ն էլ բնականաբար չի հաղթել: Ահա այս չկայացած տենդերն է, ըստ լրատվամիջոցների, Անի Գևորգյանի մեղադրանքի հիմքում դրել նախաքննության մարմինը: