«Մենք քաղաքացու և պետության միջև ճեղք ունենք». Փաշինյան

Նոր Սահմանադրություն «ունենալու անհրաժեշտության» մասին խոսելիս Նիկոլ Փաշինյանը նախ արձանագրեց. «Ես վերջին շրջանում շատ եմ խոսում հայրենիք-պետություն հասկացությունների հարաբերությունների մասին, պետական ինստիտուտներն ամրացնելու անհրաժեշտության մասին և շատ եմ խոսում ու խոսել քաղաքացի-պետություն հարաբերությունների մասին: Դրա մասին էր նաև 2018 թվականի ժողովրդական, ոչ բռնի, թավշյա հեղափոխությունը: Հետագայում է, որ դրա կարևորության ընկալումն ինձ համար դարձավ ամբողջական: Մենք քաղաքացու և պետության միջև ճեղք ունենք: Այն արտահայտվում է կրկին լեգիտիմությամբ, որովհետև Հայաստանի Հանրապետգության Սահմանադրությունը, որն ընդունվել է 1995 թվականին, և մի քանի անգամ փոփոխվել է, երբեք չի ընդունվել այն պահմաններում և միջավայրում, երբ Հայաստանի Հանրապետության քաղաքացին ինքն իրեն ասի՝ ես գնացի, քվեարկեցի և ընդունեցի Սահմանադրություն: Այսինքն, ես գնացի և արձանագրեցի իմ պայմանավորվածությունը մյուս քաղաքացիների և պետության հետ, որ մենք իրար հետ հարաբերվում ենք այսպես և ապրում ենք այսպես»,- մանրամասնեց վարչապետը: