Լենա Նազարյանը չի կատարում դատարանի պահանջը՝ Թագուհի Թովմասյանի օգտին

Դեռևս 2022 թվականի մայիսին դատարանը որոշել էր պարտավորեցնել Լենա Նազարյանին հրապարակային ներողություն խնդրել Թագուհի Թովմասյանից «իդիոտկա» վիրավորական արտահայտության համար, ինչպես նաև Լենա Նազարյանից հօգուտ Թովմասյանի բռնագանձել 315.000 ՀՀ դրամ:

Սակայն Թագուհի Թովմասյանն այսօրվա ասուլիսում հայտարարեց, որ Լենա Նազարյանը ոչ ներողություն է խնդրել, ոչ էլ փոխհատուցումն է վճարել:

«Պանորամա»-ի համապատասխան հարցմանն ի պատասխան Լենա Նազարյանն ասել է. «Ես գիտեմ, որ դատարանը վճռով պարտավորեցրել է գումարի փոխհատուցում, սակայն ոչ տիկին Թովմասյանը, ոչ նրա փաստաբանը ոչ ինձ, ոչ իմ փաստաբանին չեն փոխանցել հաշվեհամար։ Թող նամակ, գրություն ուղարկեն, ես համապատասխան գործողություններն անեմ։ Ես ի՞նչ անեմ, գումար կանխիկացնեմ, նրա հետևից գնամ, որ վճարե՞մ: Հարցին՝ առնվազն 1000 տպաքանակ ունեցող մամուլով ներողություն կխնդրի՞, Լենա Նազարյանն ամեն կերպ խուսափեց պատասխանել: