«Ովքեր չեն ալարում, ցանկանում են զբաղվել այս հարցով, գնացեք, զբաղվեք ձեր գործերով». Ալիև

Ադրբեջանը միջնորդների կարիք չունի Հայաստանի հետ հարաբերությունների կարգավորման գործընթացում, երդմնակալության իր ելույթի ժամանակ հայտարարել է Ադրբեջանի նախագահ Իլհամ Ալիևը:

«Մեզ այդ հարցում միջնորդ պետք չէ։ Ես դա ասել եմ և ուզում եմ ևս մեկ անգամ ասել այս բարձր ամբիոնից՝ մենք մեր հարցը լուծեցինք: Հայաստանի հովանավորները մշտապես ցանկանում են քննարկել այդ հարցը, ջանքեր գործադրել, վերմակն իրենց վրա քաշել, միջնորդ լինել։ Կարծում եմ, որ Ադրբեջանի և Հայաստանի միջև հարաբերությունների կարգավորման գործընթացը պետք է դուրս բերվի համաշխարհային օրակարգից, քանի որ բոլորը, ովքեր չեն ալարում, ցանկանում են զբաղվել այս հարցով: Գնացեք և զբաղվեք ձեր գործերով»,- սաստել Է Ադրբեջանի նախագահը: