«Վաղ ամուսնության բազմաթիվ դեպքեր կան նաև հայերի շրջանում». Ռուստամ Բաքոյան

«Ամուսնության տարիքային շեմը բարձրացնելու նպատակով օրենսդրական բարեփոխումները՝ մարդու հիմնարար իրավունքների պաշտպանության համատեքստում» թեմայով ԱԺ մարդու իրավունքների պաշտպանության և հանրային հարցերի հանձնաժողովի նախաձեռնած խորհրդարանական լսումների ժամանակ ՔՊ-ական պատգամավոր Ռուստամ Բաքոյանն ասաց. «Խորհրդարանում հանդիսանալով եզդիական համայնքի ներկայացուցիչ, ստանում եմ բազմաթիվ ահազանգեր՝ հատկապես եզդիական համայնքի շրջանում վաղ ամուսնությունների մասով, սակայն պետք է արձանագրեմ, որ խնդիրը համատարած բնույթ է կրում. վաղ ամուսնության բազմաթիվ դեպքեր կան նաև հայերի շրջանում»: Նրա խոսքով՝ անչափահասների ամուսնությունն առաջացնում է և՛ առողջական, և՛ կրթական, և՛ սոցիալական խնդիրներ: