«Իսկ ո՞վ ասաց, որ բոլոր ավանդույթները լավն են և ճիշտ». Արսեն Թորոսյան

«Նույնիսկ 18 տարեկանում ամուսնանալը ես համարում եմ սխալ, թեկուզ չափահասության տարիքն է»,- այս մասին ԱԺ պատգամավոր, առողջապահության նախկին նախարար Արսեն Թորոսյանը հայտարարել է խորհրդարանում կազմակերպված քննարկման ժամանակ, որը վերաբերում է ամուսնության տարիքային շեմը բարձրացնելուն։

Ըստ Թորոսյանի՝ մոտ հազար տարի առաջ, երբ այդ ամենը տեղի էր ունենում, մարդու կյանքի միջին տևողությունը 35 տարեկան էր, բայց մենք հիմա խոսում ենք, որ 80 տարեկանն էլ է քիչ։

«Իսկ ո՞վ ասաց, որ բոլոր ավանդույթները լավն են և ճիշտ։ Ես կասկածի տակ եմ դնում այդ թեզը։ Մարդկության, գիտության զարգացմանը զուգահեռ բազմաթիվ ավանդույթներ, ապացուցվել է, որ սխալ են կամ առնվազն համահունչ չեն այսօրվա իրողություններին»,- ասաց նա։