«Համբերությունս սպառվում է». քաղաքապետ

Արզումանյան փողոցի համար 10 և 17 հասցեներում գտնվող վթարային շենքերի փոխարեն նոր շենքեր կառուցելու և վթարային շենքի բնակիչներին նոր բնակարաններով ապահովելու ծրագրի մասին հարցի քննարկման ժամանակ զեկուցվեց, որ ընթացիկ ամսում կնքվել է ներդրումային պայմանագիր, բնակիչներին ուղարկվել են ծանուցագրեր և պայմանագրերի նախագծեր, առաջիկայում կկազմակերպվեն քննարկումներ: Քաղաքապետ Տիգրան Ավինյանն արձագանքեց. «Մենք նույն պայմանագրի մասին ենք չէ՞ խոսում, որ արդեն մի քանի ամիս է քննարկվում է... Մենք էս գործընթացը նախաձեռնել ենք բնակիչների պահանջով, իմ համբերությունն էս ծրագրի հետ կապված սկսում ա սպառվել: 2022-ի սեպտեմբերից էս ծրագիրն իրականացնում ենք: Չի կարելի դարերով քննարկել, պետք է իրագործել: Էդ մարդիկ ապրում են 4-րդ կարգի վթարային շենքում, քանի՞ տարի պետք է քննարկենք: Մի քիչ տեմպ հաղորդեք»:

Հիշեցնենք՝ Երևանի քաղաքապետարանում գործակարգավարական խորհրդակցություն է: