«Պետք է կանգնեցնել գահավիժումը». Գեղամ Մանուկյանն ու Լևոն Քոչարյանը հանդիպել են քաղաքացիների հետ

«Հայաստան» խմբակցության պատգամավորները Գեղամ Մանուկյանն ու Լևոն Քոչարյան փետրվարի 19-ին Արմավիրում՝ ՀՅԴ «Արամ Մանուկյան» կենտրոնում, հանդիպել են քաղաքացիների հետ։ Այդ մասին ֆեյսբուքյան էջում հայտնում է պատգամավոր Գեղամ Մանուկյանը․

«Նրանցից շատերը Դիմադրության շարժման ամենաակտիվ գաղափարակիցներն են, պայքարում միշտ առաջին շարքերում էին և երբեք չէին նահանջում։

Ներկա էին նաև Արմավիրում հաստատված մեր արցախցի հայրենակիցներից։ Խոսեցինք ստեղծված իրավիճակի, ահագնացող վտանգների և անելիքների մասին։

Եզրահանգումը մեկն էր՝ նահանջ չկա, ու պետք է կանգնեցնել երկրի, Հայրենիքի այս գահավիժումը, որի լուծման բանալին շարունակում է մնալ ազգադավների հեռացման հանրային օրեցոր մեծացող հանրային պահանջի իրականացումը»,- գրել է նա։