«Եթե մոստի տակ ապրող երեք հոգի լինեն, մոստը քանդվի, ես պարտավո՞ր եմ էդ մարդկանց կացարանով ապահովել». Նոր Նորքի թաղապետ

Նոր Նորքում լարված իրավիճակ է, Լվովյան փողոցի ինքնակամ շինությունները, տները քանդելու որոշում է կայացվել: Վարչական շրջանի ղեկավար Տիգրան Տեր-Մարգարյանը տեղում հետևում է քաղաքապետարանի գործողություններին․ «Էստեղի բնակիչներից բազմիցս եկել են ինձ մոտ, ասել եմ, որ սեփականաշնորհելու տարբերակ չկա, իրենք ժամանակին հանդիպել են նաև քաղաքապետի թեկնածու Տիգրան Ավինյանի հետ, նա էլ է նույն բանը պատասխանել, որ սա 60 հոդվածի տակ գտնվող գոտի է և անհնար է սեփականաշնորհել»,- ասել է նա։ Իսկ որպես վարչական շրջանի ղեկավար՝ սոցիալական պարտավորություն չունե՞ք ձեր բանկիչների հանդեպ, ընտանիքներ են դուրսը մնում հարցին ի պատսխան՝ Տիգրան Տեր-Մարգարյանը պատասխանել է․ «Այսինքն եթե վաղը մոստի տակ ապրող երեք հոգի լինեն, էդ մոստը քանդվի, ես պարտավո՞ր եմ էդ մոստի տակ ապրողներին կացարանով ապահովել։ Մարդիկ տարիներ ի վեր զավթել են կանաչապատ տարածք, որը համայնքինն է»,- նշել է նա: