«Սա ոչ թե «բարի կամքի», այլ հայկական կողմի թշվառության և վախկոտության դրսևորում է». Նարինե Մկրտչյան

Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրել է. «Այս տարվա փետրվարի 28-ին Սյունիքում, Տեղ գյուղի հատվածում ՀՀ սահմանն ապօրինաբար հատած ադրբեջանցի զինծառայողին հայկական կողմը․․․ հանձնել է Ադրբեջանին։ ՀՀ ԱԱԾ-ն դա մեկնաբանել է որպես «Հայաստանի և Ադրբեջանի միջև բարձր մակարդակում ձեռք բերած բարի կամքի դրսևորում»։
Այսքա՜ն մարդասեր իշխանություն՝ Նիկոլ Փաշինայնի ղեկավարությամբ, Հայաստանը չի ունեցել։
Ադրբեջանի հանդեպ «բարի կամքի» դրսևորման հետևանքով Արցախը հանձնվեց արյունարբու թշնամուն, շրջափակման, էթնիկ զտման և բռնադգաղթի դատապարտվեց Արցախի բնակչությունը, միջնադարյան վայրագությամբ ոչնչացվում են հայկական Արցախի տարածքում մշակութային և հոգևոր ժառանգությունը, սակայն «բարձր մակարդակով» պայմանավորվածությունը չի գործում։
Արցախի ողջ պետական ղեկավարությունը Բաքվի բանտերում է՝ դարձյալ այդ «բարձր մակարդակի» պայմանավորվածությունը չի գործում։
Մինչդեռ ադրբեջանցի դիվերսանտին վերադարձնելու, Ադրբեջանի ցանկություններն անվերապահ իրականացնելու համար դեպքում ՀՀ իշխանությունը «միշտ պատրաստ» վիճակում է։
Սա ոչ թե «բարի կամքի», այլ հայկական կողմի թշվառության և վախկոտության դրսևորում է»: