«Ոչինչ չի բացառվում»․ Մակրոնը կրկին խոսել է Ուկրաինա զինվորականներ ուղարկելու մասին

Ֆրանսիայի նախագահ Էմանուել Մակրոնը հայտարարել է, որ ոչինչ չի բացառվում Ուկրաինայի տարածք զինվորականներ ուղարկելու հետ կապված, հաղորդում է РИА Новости-ն։
Նրա խոսքով՝ յուրաքանչյուր բառ նշանակություն ունի: Ֆրանսիայի նախագահը հավելել է, որ ժողովրդավարությանն անհրաժեշտ է «ազդակ և ռազմավարական զարթոնք, քանի որ Ռուսաստանն իր անպատժելիությամբ սպառնում է եվրոպական մայրցամաքի անվտանգությանը»:
Մինչ այդ Մակրոնը հայտնել է, որ Ֆրանսիան բոլոր հնարավոր միջոցները կձեռնարկի, որպեսզի Ռուսաստանը հաղթանակ չտանի Ուկրաինայի դեմ պատերազմում: